商天娥爸爸日前病逝，令娥姐十分傷心。馮仁昭日前打電話慰問娥姐，電話中嘅佢難掩傷痛，娥姐話：「爸爸係返咗天家，佢走得好舒服，多謝大家關心。其實我同屋企人一早有晒心理準備爸爸會離開，但爸爸係我一生中最痛錫嘅人，佢走咗，我真係好唔捨得。」目前娥姐一方面為爸爸搞身後事外，另方面就要同屋企人輪流陪住媽媽。