立法會秘書長吳文華（Pauline）喺議事堂經歷22個寒暑，本月底正式退休，但Pauline只係暫別三個月去遊埠，之後會將畢生「功力」撰寫一本議員「天書」，由點宣誓、申報利益等一一講解。
爆長毛放氣球 要畀錢收波
立法會過去四年掟蕉掃枱樣樣齊，過去負責「請」議員離開嘅Pauline笑言未驚過，因為早已同激進議員培養出默契，「我行慢啲畀多少少時間佢哋叫口號，我行到過嚟你就要郁（離開）囉」。
講開同長毛鬥智鬥力，Pauline不得不提「放氣球」一幕，佢話長毛第一次放預啱位，好易攞返落嚟，人工費收番佢1,000蚊；但第二次個波飄咗去中間，要搵人半夜用升降台攞，盛惠一萬蚊。