《銅鑼灣》啱啱出席完威尼斯電影節返香港嘅陳可辛，上星期五傍晚6點離開銅鑼灣希慎道裕景商業中心，跟住一個人行咗去白沙道嘅萬寧買嘢，佢一入到去就搵健康食品，跟住好快速咁買咗三盒鯊魚丸離開。原來當日鯊魚丸做特價買二送一，所以原本只係打算買一盒嘅陳可辛買多一盒，真係精打細算。而佢買完嘢之後就去咗利園商場停車場攞車走人。