雖然中國啱啱喺熱身賽慘吞巴西8蛋，但要同高手過招提升實力呢團火似乎冇熄到。據講中國足協正物色緊下年6月熱身賽嘅對手，有指會開出50萬歐元（約510萬港元）戲金條件，邀請荷蘭國家隊來華獻技。據聞中國方面為咗確保有高入座率，仲會要求荷蘭保證派出尹佩斯（右）、史奈達同洛賓（左）等等嘅主力亮相。