有賭仔在澳門賭場欠債，被大耳窿逼向有牌財務公司借錢，惟還債後仍不斷被索款及滋擾。
19歲廚工阿明（化名）在賭場欠下7.5萬元，大耳窿在香港碼頭將他交給另一班收數佬，他隨即收到邦民、UA和大眾財務來電，「職員用手機打嚟問我係咪要借錢，又話會再用公司電話打嚟，叫我到時問乜都答『係』」。
還債後仍被索款6.6萬
惟他將即時批出的7.5萬元交收數佬後，再被索款6.6萬元，「有人第二日打電話畀我，話兄弟過嚟要水腳，仲要畀佣金財務公司，又話條數交畀財務跟，佢哋冇肉食」。阿明拒絕付款，住所即被淋紅油，在港澳兩地報案，卻慘成人球，「香港警方話我同合法財務公司借錢，除咗查淋紅油班人，其他冇得跟；澳門嗰邊就話班大耳窿到咗香港，要香港執法」。
澳門司法警察局表示，已成立專責小組突擊巡邏賭場，本年3月又與香港警方建立特快轉介機制，至今轉介九名受害港人。香港警方表示，會加強到阿明住所巡邏。上述三間財務公司回應本報稱，沒與澳門任何集團有聯繫，公司規定職員不得收受佣金。
《蘋果》記者