女模Mandy Lieu認為手袋就是女人第二層皮膚般，每天都共同進退，手袋功能性更遠比款式重要，工作時要有幾個靚袋隨身，平日就以容量及輕巧為主要考慮因素，她日前接受訪問時說：「我每日都會帶書同iPad出街，iPad要download晒啲歌同戲，等埋位可以消磨時間。書就更加重要，iPad呢類電子產品始終會冇電，但書就幾時都可以打開嚟睇。」化妝品是必備的，她笑言因為太多東西，所以喜歡用透明化妝袋，方便在最短時間找到自己要用的東西。
電話最沒用
現時人人有空沒空都拿手機篤篤篤，對手機有嚴重依賴，但大忙人如Mandy則表示手提電話是最不重要的隨身品，她說：「雖然我每日都會用，但試過唔記得帶電話都冇事。我冇乜重要嘢講，工作上又可以搵model公司同事，真係有事返屋企先覆都得，我喺街可以facebook都唔開，睇書就可以打發時間啦。」
撰文：盧妹
