今晚歐聯正式開鑼欣逢英冠大堆頭，個人決仍向冇直播睇嘅主打賽事英冠埋手。季初重點黑池回咗兩場，在分頭稍為提高下，今晚迎戰米堡用主W作重心，串射冷門保頓，波膽則攻嗰位領隊現時好high嘅布力般。英冠一季打46場，家各隊只踢了5場，遙遙長路。先講成日品題嘅布力般，上仗竟能作客大炒主場嘅布城5:3升上1哥位，領隊堅恩重押用成億港元買得嘅哈軍射手佐敦洛迪斯終於開齋，呢位年輕光頭領隊終鬆一口氣大煲特煲冇入錯貨；但無故大勝，今迎班士利賠率更乏味，處於亢奮，博佢哋會失守嘅贏波波膽較宜。今晚追波，追黑池；上周末僅逼和班士利1:1，現時仍排次席。領隊荷路威賽後沒為無法反勝並錄得連續兩場作客失分嘆可惜；反而大讚球隊今屆陣容執得靚，調動充裕，並叫球員好好享受被外界罕有地視為升班熱門嘅評論。隊波冇喺轉會市場被英超隊撬走新星恩斯仔同麥迪菲臘斯外，埋門簽入包括維拉嘅迪爾科尼素等3將，英冠打得密冇蝕底。對手米杜士堡已今非昔比，今季作客也失色。另一選取保頓，又係大半隊英超兵落英冠角逐，今次作客到近期深受賣盤不利傳聞嘅伯明翰，伯軍唔少好嘅球員已被楊生賣走套現，仲要讓保頓不合理，冷客W也可一試。（下次見報日期：22/9）蘋果波神
周中精選
《正》黑池勝《副》保頓（下）《冷》布力般流浪勝2:1、3:1