日本侵佔釣魚台，中央政府淨係識縱容民眾反日，自己就躲喺背後，好多中國人都不滿。噚日喺香港嘅反日遊行，就出現軍人身影，唔通駐港解放軍終於睇唔過眼而出兵？其實，只係70後軍事迷吳浩昌，專登着共產黨軍人嘅衫嚟遊行啫。「當年為咗抗日，國共可以停止內戰聯手，希望中台政府家都可以一齊反日」。吳浩昌解釋，佢着嘅係共產黨當年仲打緊國民黨嘅十九路軍軍服，希望可以提醒兩岸政府要再次聯手抗日。
喺內地嘅反日遊行，都有人扮毛澤東，唔知係咪又係想提醒中央政府，唔好再龜縮，否則老祖宗都會死唔眼閉呢？
