史篤城上周六靠高治（中）喺混戰中入波，幫球隊一度領先曼城，最終亦能夠喺主場令曼城失分，踢和1:1。不過，高治射波前有犯手球嘅嫌疑，所以入波後，好多曼城球員都即刻圍住球證理論。曼城領隊文仙尼賽後亦都話：「我知你哋想同我傾嗰個入波，呢場係一場NBA籃球比賽，唔係足球。最激氣係球證明明就喺高治後面，我都知好多時手球都係球員嘅無心之失，但我覺得呢球唔係。」