老牌豪宅屋苑薄扶林碧瑤灣已屆37年樓齡，內櫳殘舊，雖然買家可望在拍賣場上執平貨，惟驗樓師詹濟南提醒買家，或需要耗資一大筆裝修費。
當買入清水房
詹濟南指出，前公務員宿舍與其他舊樓沒有太大分別，共通點「都係舊」，直言「30幾年嘅樓，可能得番個殼」，除了外牆之外，基本上當買入一個清水房。
他建議市民買入前，一定要驗察清楚單位質素，尤其是全屋所有電線、水管等，窗戶可能久經失修，出現漏水，要檢查去出位正常與否；全屋電線或要全部更換，「淨換電線至少5萬」，連同水喉、地板等，單位基本維修費要花費20萬至30萬元，還未計裝修費，所以買家不要貪平，分分鐘要耗資一大筆維修及裝修費，大執手尾才有個安樂窩。