人到中年玩孔雀開屏，原來唔係倪震專利，遠在荷李活都有個占基利（Jim Carrey）。話說前年同花花公子索模甩拖後，占爺身邊啲女伴就係咁轉，明明今年初仲拖住個俄妹，噚日占爺已經換畫，俾人拍到佢黐住個身份神秘嘅三點式新歡喺馬利布海灘玩。占爺話晒係喜劇之王，攝影技巧唔慌差，梗係要指手畫腳咁去教靚女影相啦。轉個頭女方又小鳥依人咁挨實占爺，之後仲雙雙嘆返杯凍飲，疏乎到痹。