35歲嘅亨利（左）寶刀未老，喺上周六美職聯個人梅開二度，其中一球仲係角球直接彎入，盡顯功架，幫紐約紅牛主場反勝哥倫布機員3:1。紅牛喺呢場波3分鐘就先失球，但亨利6分鐘後就幫紅牛追平。去到79分鐘，佢仲斬角球，助攻畀隊友達斯麥卡地入波，紅牛反超前2:1。最精采嘅喺補時發生，亨利喺左路斬角球，個波彎埋龍門口，中遠柱入網，幫紅牛鎖定3:1嘅勝局。
