白藍黑：「推QE2時俾人鬧我係咪讀書讀懵咗，叫我返去教書，其實我都係學當奴『打好份工?！』敖主子，請放心，今次QE3捨我其誰！我已經使出絕招QE Infinity，唔會俾貢禾黨搶走皇座㗎！」
敖斑馬：「好兄弟，我連任一定唔少得你個份，過幾年我搵利安拍套《色戒》續集，以證你推全球去死乃是迫不得已，身不由己。」
以上故事如有雷同，實屬巧合。當美國用完最後一發子彈，美股和港股即時有末日先兆，炒到癲咗，或者有人諗住橫豎儲錢也追不上資產價格升幅，唔做塘邊鶴，打算混水摸魚，盡地一煲入市！
出口股份不多，利豐（494）上周五後勁凌厲，同樣出口美國、賣高檔真皮沙發的敏華控股（1999），只升2.1%，可追落後。敏華有五成收益來自美國、兩成來自中國，受累成本上漲和經濟疲弱，2012財政年度純利大幅倒退五成，股價貼近上市以來低位，順帶一提，呢隻股有朋友炒過但敗興而回，勇士們可放手博一博！
Samantha
本欄逢周一、三、五刊出