公民黨陳淑莊飲恨未能冧莊成功，暫別立法會，係佢繼山頂區議會選舉之後再次敗選，但係呢次立法會選舉，亦同時再一次證明陳淑莊嘅山頂實力依然。啱啱公佈嘅選舉票站結果發現，原來公民黨呢張飛，勇奪山頂第一名，得票率係25%。反觀喺區選重奪山頂嘅自由黨，雖然已經有個區議員坐鎮，但係得票率僅得14%，仲衰過新民黨葉劉淑儀奪得16%嘅得票。幾年前，有個說法話葉劉想派人挑戰山頂區議會議席，取代自由黨，呢次證明葉劉嘅「山頂票」不容忽視。