台維斯盃世界組嘅4強賽事，喺上周五開打，其中西班牙憑住主場之利，暫時以2:0領先美國，至於同樣喺主場迎戰嘅阿根廷，就暫時同捷克打成1:1。值得一提嘅係喺阿根廷對捷克嘅比賽中，阿根廷球王馬勒當拿（圖）亦都係座上客，而且佢仲不知睇得幾肉緊㖭！不過，可能佢對摩納哥喺第2場單打輸俾捷克嘅貝迪治嘅表現唔多滿意，竟然向鏡頭豎中指，似乎有失身份喎！