邊位變花面貓？
（答案請在內文找）
呢位男星喺電影形象都算百變，扮過海盜、殭屍同糖果屋獎門人嘅佢，最近正趕拍明夏重頭巨製《獨行俠》，今次都唔做青靚白淨型男，改為畫花塊面兼打大赤肋扮美國土著，你估尊尼狄普又會袋幾多片酬呢？
做乜要掩鼻？
（答案請在內文找）
影后出沒注意！話說呢位阿姐噚日晨早喺首爾機場，準備搭飛機去倫敦睇時裝騷，睇佢着住件乾濕褸，加埋黑超十足扮緊神秘人。但點解佢無端端掩住個鼻？真相連我都好想知，唔通韓國影后全度妍聞到有人放屁？
邊個笠實個頭？
（答案請在內文找）
呢套由暢銷小說改編嘅電影，令佢同男星祖舒夏捷臣人氣急升，成為美國年輕人新寵。呢位女星噚日俾人影到笠晒頭準備埋位開工，佢咪係開始投入拍攝《飢餓遊戲》續集嘅珍妮花羅倫絲囉！
