【本報訊】當了24年功能組別議員、9年內務委員會主席的劉健儀，今年毅然投身立法會直選，雖然最終落敗，但能夠在建制派的龐大鐵票，以及選舉機器夾擊下高票出局，劉健儀已覺問心無愧，亦對自由黨在港島得票有不俗增長感到欣慰。眼見激進政治力量急速增長，劉健儀預言特首梁振英在議會內將面對更大政治對抗，行政、立法關係難望改善。記者：呂浩然
自由黨今年打着「敢於say no」的旗幟參加直選，榮譽主席田北俊成功東山再起，但在港島出戰的自由黨主席劉健儀卻敗陣。劉健儀在訪問中歸咎自曾蔭權政府開始，直到現時梁振英政府種種施政，令社會撕裂，導致選民兩極化，「梁振英政府上場嗰刻仲有期望佢有一番大作為，但上場之後推出啲嘢，有啲反效果囉」。
斥特首壓抑樓價不力
劉健儀又批評，梁振英上任後壓抑樓價不力，又不知為何要硬推國民教育，令社會分化越益嚴重，再加上建制派有龐大鐵票，令自由黨完全「冇得玩」，「面對龐大嘅選舉機器，龐大嘅鐵票，同埋一個好成功嘅配票安排……冇樁腳同鐵票冇得玩㗎」。除外在環境外，劉健儀亦承認落區時間太短，沒有充份時間去開拓港島中產票，希望其他的功能組別議員，不要因她敗選對直選卻步。劉健儀在議會度過近四分一個世紀，她記得1988年首次入立法局（立法會前身）時，議會是理性、包容的，「初初入局嘅時候，有人提出唔同嘅意見，我哋會尋求去改善，未必即刻做到，都會接受逐步去做」。
行政立法關係難改善
不過，劉健儀指自2004年開始，隨着激進勢力開始醞釀，政府施政又日漸不濟，令社會不滿的情緒日積月累，議會就變得政治化，甚至願意花時間鑽研審議法例的議員也買少見少。「家議員認為好嘅就要即刻要做，變咗同其他同事形成矛盾，啲矛盾又可以升級，升級到好多嘢可以發生」，劉健儀更預言，梁振英政府碰上來屆激進勢力抬頭的立法會，未來的行政、立法關係難望改善。多年來埋首於議會工作，劉健儀即將放下立法會議員身份，她形容：「安逸從來唔係我考慮，邊方面需要我，就邊方面去貢獻。」劉健儀表示，她未來會留在自由黨協助新人上場、深化地區工作，同時亦會繼續律師工作，總之填滿自己的時間表。