《銅鑼灣時代廣場》
現年45歲嘅草蜢成員蔡一傑不嬲貪靚，但估唔到佢揀化妝品都可以揀足三粒鐘！前晚8點幾，傑仔同兩個女性友人去咗銅鑼灣時代廣場嘅連卡佛，佢哋先去Giorgio Armani嘅化妝櫃位，見到蔡一傑對粉底情有獨鍾，仲即場撲咗啲粉底上面，示範埋畀兩位女友人睇，佢又不停講解，但佢唔係好理不停同佢sell嘢嘅女店員。
特別好傾問唔停
搞咗一個鐘後，蔡一傑去咗旁邊NARS化妝品櫃位，今次由兩個一高一矮嘅男售貨員嚟招呼，見到蔡一傑嘅態度好唔同，似乎係同性相吸，佢哋不知幾好傾，蔡一傑滿面笑容逐樣化妝品攞起嚟問，問到興起仲指手畫腳。蔡一傑同高大男店員特別好傾，仲捉住佢問長問短，足足兩個鐘至肯走，當然買咗唔少嘢啦！
採訪、攝影：梁繼光、徐錦池
