港甲新軍橫濱FC（香港）成軍冇耐，已經吸引到一班日本僑民撐場打氣，而佢哋今日首次響小西灣運動場主場對晨曦；今日球迷入場可憑票尾，再到fb嘅Brother hong kong讚好，又或到攤位留下電郵地址，就可獲打氣波衫乙件（圖），送完即止。另外，流浪今日喺深水埗場對大埔，頭30位購票入場同登記入會嘅球迷可獲贈流浪紀念手錶乙隻。