俄超富豪球隊辛尼特喺轉會窗關閉前，用咗成1億歐元（約10.2億港元）買入侯克（前）同韋素，認真豪氣！兩大猛將加盟後嘅第1場，辛尼特喺上周五主場對塔利克，佢哋都先列後備，睇住波先；點知球隊攻極都攻唔入，最後都要換晒佢兩個落場。不過，侯克同韋素入嚟之後，唔單止贏唔到，仲要輸埋！辛尼特完場前連失兩球，主場輸畀塔利克0:2，非常失威！