巴黎聖日耳門（PSG）開始步入正軌，上周五靠柏斯托尼同伊巴謙莫域（左）各入一球，主場贏圖盧茲2:0，喺開季3連和之後，取得聯賽兩連勝；最大功臣肯定係伊巴謙莫域，佢最近兩場加埋入咗3個波，如果冇咗佢，相信PSG都仲有排沉。上季冠軍蒙彼利埃就仲未見到反底嘅機會，作客以1:3不敵蘭斯，踢咗5場聯賽僅得1勝1和3負。