英國有西裝品牌搞咗個調查，選出全球着西裝着得最性感嘅人，結果「萬人迷」碧咸（圖）力壓其他演藝同體育界猛男當選。主辦單位話：「毫無疑問，碧咸係呢個星球上其中一位最有型嘅男仕！着便服嘅碧咸充滿魅力，當佢換上西裝，就風度翩翩。」荷里活影星佐治古尼都要輸畀碧咸，得第2；其他入選嘅體壇人物，就包括排第6、F1麥拿侖車隊嘅畢頓，而佢隊友咸姆頓都得第9。