張敬軒、G.E.M.（鄧紫棋）和林德信等昨日在大埔超級城出席《樓長運動．起動人情巡禮》，最近有不少藝人被網民圍剿，軒仔說：「我覺得係網絡文化，啲人又唔使留真名，除咗藝人之外，有啲人係不負責任，為踩而踩，我之前嘅言論都係咁樣，所以係要堅持自己嘅諗法去做。」
證言論自由
軒仔知道行內有個方法阻截一些惡意言論，他說：「我唔會用，我要證明言論自由同可貴，有啲網民上綱上線，對號入座，我認為藝術唔需要太有政治色彩，唔應該同時事掛鈎。」至於在這個敏感的世代，軒仔勸籲大家對具體的事要進行分析，他感嘆說：「家係好多途徑宣傳，但係小心言行，否則招來橫禍。」
採訪：楊潔雯
攝影：陳俊強