當卡卡仲喺皇家馬德里俾人投閒置散嘅時候，佢細佬迪加奧（Digao、圖）就開展職業生涯嘅新一頁，加盟美職聯嘅紐約紅牛，同亨利做隊友。迪加奧家26歲，踢開中堅，19歲嗰陣就跟哥哥卡卡去到AC米蘭，但明顯唔夠班，成日都俾人外借出去。舊年約滿AC後，迪加奧仲不獲續約，到今年9月去紅牛跟操，終於受到賞識；紅牛方面話佢訓練表現好好，所以畀個機會佢，睇吓佢呢季踢成點。