水貨兵團攻佔上水，除了霸佔行人路分貨及散貨，更無視四圍的行人不時橫衝直撞，令居民身心受創。在上水區居住的區先生就是其中一名受害者，他上周放工回家時遭多名水貨客撞傷手臂，經醫生診斷後證實為骨折，未來一個半月將喪失工作能力。
「個半月做唔到嘢」
從事速遞的區先生回想被撞經歷，仍難掩傷感。他憶述上周某一個晚上約9時放工回家，離開上水站後被3至4名水貨客撞到，「幾個水貨客一衝衝過嚟，佢哋橫衝直撞，我都避唔到」。經醫生診斷後證實為骨折，「醫生話6至8個星期先會好返，手停口停，我有個半月做唔到嘢，真喺唔知點算」。他擔心受傷會有後遺症，「要覆診先知對我將來有乜影響」。區先生指失去工作能力，只能節衣縮食，「對生活好大影響，我都喺係親戚屋企住，水費、電費要自己交」，批評政府及港鐵未有適當處理水貨客的問題。
《蘋果》記者