米高佐敦雖然03年退休，不過籃球界波神地位，至今都未有動搖，佢嘅物品仍然有市有價；最近美國拍賣網站「goldinauctions」，就有一張佐敦過期嘅AE卡（圖），準備10月10日開始拍賣，底價1,000蚊美金（約7,800港元）。當然呢張卡有效期係05年，已經剪咗左上角，一定用唔到，但紀念價值夠，而背面個簽名，又一定係佐敦手筆，所以預期最終成交價，肯定過萬美金。