喺倫奧贏咗7面獎牌嘅美國泳手洛捷迪（左），賽事完咗之後一直新聞不斷，不過全部都同游水無關，今次亦都唔例外。最近傳出洛捷迪同選美冠軍，今年美國小姐奧莉維亞古普（右）行得好埋，先喺上星期紐約時裝展度畀人見到佢哋密密斟，之後經常出雙入對，到咗星期三洛捷迪同呢位20歲靚女又再出動，一齊出席網球手威廉絲推出新衫嘅場合。洛捷迪發言人表示，話佢兩個拍拖仲係言之尚早，即管睇吓點。