自從狼振英大宅僭建醜聞越揭越大鑊後，記者鮮有機會喺公開場合向狼太梁唐青儀提問。噚日佢一身紫色套裝，出席香港工商界婦女國慶酒會，同場仲有基本法委員會副主任梁愛詩。狼太上台攞紀念品時，一唔小心，對鞋俾凹凸不平嘅地板卡住，要在旁人士扶住，彎晒腰先整返好個鞋踭脫身，過程十分狼狽。不過佢最後就好醒咁，趁梁愛詩被記者追問點樣解決雙非問題嗰陣，乘亂逃離現場，又一次成功避開記者提問。