中四學生彭誦軒（圖）每日也要由粉嶺乘火車到上水返學，數之不盡的水貨客在站內外亂竄，使他每朝早除了要在車站內與水貨客周旋，更要打醒十二分精神；全因一次被手推車撞傷的經歷，令他猶有餘悸。「有一日我着住凉鞋喺火車站行出嚟，一出閘就見到有幾個水貨客衝埋嚟，都唔理你係咪行緊出來，拉住架手推車咁就過啦，整到我腳趾尾損晒，好恐怖」，他說自此連凉鞋也不敢穿，「一定要着有嘢保護腳趾嘅鞋。」港鐵上水站淪為水貨客主場，要避免再受傷就只能逃避，「佢哋塞住火車站出入口，根本唔可以直行，每次都要兜路走。惟有唔行地下入口，要行上面天橋。我覺得（社區）好似被人佔領咗，自己返咗大陸咁」。
講借借無人理
同樣在上水站附近上學的中四學生黃同學，形容進入車站猶如置身戰場，更要預早15分鐘出門上學，「同佢哋講唔該借借，佢哋唔會理，要不停推開佢哋先得，否則會遲到返學。我覺得自己每日好似去咗花園街咁樣」。學生們只希望政府能採取適當措施，防止水貨客聚集。《蘋果》記者