《蘋果》噚日報道銅鑼灣大坑新村街嘅一幢舊樓由上個禮拜起，無啦啦掛咗幅鬼魅畫像，嚇親對面住嘅老街坊。由於附近嘅舊樓成為收購目標，令人聯想到係咪有人專登整鬼做怪，想嚇走啲唔肯搬嘅住戶。畫家凌國楓噚日喺facebook嘅《街頭爆王》專頁，就貼咗幅叫做「收樓吶喊」嘅漫畫，不過幅鬼魅巨畫就換咗做個有兩隻殭屍牙兼沾滿血嘅雙手，後面仲有五星紅旗，睇真啲同狼英有啲似。呢幅畫受網民激讚，有人話佢反映民生，有人留言回應話：「ok，我走！」睇嚟第時如果想收樓，可以諗諗佢。