湖人今夏引入咗「超人中鋒」懷特侯活（圖），同埋控衞尼殊、拜恩及加素組成超級4人組，不過懷特侯活4月接受背部手術，雖然佢已開始進行復健練習，包括慢跑同簡單投籃，但預期趕唔切10月2日開始嘅季前訓練營，以及7日對勇士嘅熱身賽；好彩常規賽揭幕戰對小馬復出機會仲樂觀。另外，防守悍將巴尼斯，已決定由湖人轉投同市嘅快艇。