馮太（圖）三年前從元朗遷到上水港鐵站旁的彩園邨，原本以為上水是郊區，環境較寧靜，孩子可健康快樂成長，但水貨客入侵，令她無日安寧，「區內物價樣樣都貴，買咩都貴過其他區，我真係後悔搬咗入嚟」。
要跨區買奶粉
馮太有一對活潑可愛的龍鳳胎，每日會帶他們到屋邨公園玩耍、散步，但從不會到天橋另一邊，即港鐵站的出入口處，「我哋推住BB車根本冇可能去到，因為太多人、又太多貨（堆放）。試過有次妹妹隻手放喺BB車旁邊，啲水貨客拖住好大箱嘢，唔睇就咁車過去，搞到妹妹隻手損咗，班人仲要對唔住都冇句就走咗，我覺得好過份囉」。傷在兒身，痛在母心，自此馮太與一對龍鳳胎的活動範圍只限於屋邨內。區內日用品、食物等必需品的物價也被搶高，甚至缺貨，要跨區購物，「奶粉一定好難買得到，我兩個BB冇奶粉食好慘，惟有叫親戚朋友喺其他區買過嚟，上水特別難買」。她又稱，過去幾年物價急速上漲，由五成至幾倍不等，「好似去買餸，以前菜心7蚊、10蚊有兩斤，家12蚊先買到，對我哋基層嚟講真係好辛苦。」《蘋果》記者