【本報訊】自由黨在今屆立法會選舉敗部復活，由原本僅餘三席增至五席，成為建制派第三大政黨。成功在新界東「翻盤」的榮譽主席田北俊強調，重返議會後首要團結工商界聲音，料與多名獨立建制派新丁可以「有偈傾」，但曾為同路人的經濟動力成員卻非結盟對象，「我哋同超級保皇黨好難合作」。
昔日同路人「超級保皇」
上屆於新東敗選的田北俊，今屆以新東第八席晉身立法會。田接受訪問時笑稱，得票只算「勉強過得去」，但非常感激團隊用心搞選舉，「令我首度感覺有團隊精神」。然而在他勝出同時，主席劉健儀卻在港島區敗陣，田北俊對此也感到可惜，但認為自由黨走直選的路「冇錯」。
自由黨08年選舉敗陣後，林健鋒、梁君彥、梁劉柔芬及劉皇發一齊「出走」另組經濟動力；四年過後，經濟動力減至三席，自由黨卻復仇成功有五席。田北俊強調，與經濟動力成員不會「面阻阻」，但「以後好難再走番埋一齊」；就算他計劃重組議會內的工商界勢力，亦沒計劃為向同屬工商界的林健鋒及梁君彥招手，田解釋指：「自由黨喺煲呔（主政）時，投反對票數字都好多，但經濟動力冇乜反對過，超級保皇，咁樣好難合作。」
與林健鋒同樣被視為唐營的田北俊更指：「其實所謂唐營，都係中央屬意唐英年，先有唐營。」他以林健鋒在梁振英當選特首後，打橙色領帶與梁振英飯敍作例子，「我覺得佢咁已經係梁營」。田北俊重申該黨不會盲目保皇，批評指：「你睇家啲政府官員，真係麻麻地有料，局長唔見晒，出親嚟又周身麻煩」。