殘體字幾乎逐漸攻陷香港，繼北區大會堂出現殘體字國慶燈飾，最終被收回後，本來屬於香港白領主場嘅中環，亦遭殘體字入侵。有網民見到喺中環嘅皇后大道中100號，即係100QRC，貼咗張用殘體字寫嘅「慶祝國慶十．一」橫額出嚟，覺得相當唔順眼，於是呼籲市民發動電郵攻勢，向業主尖東廣場有限公司表達不滿，務求光復100QRC。佢哋認為賀國慶唔緊要，但係唔使用殘體字，破壞香港嘅繁體字文化。群情洶湧，100QRC即日發聲明話已安排將字體改返做繁體字。網民話咁快就光復100QRC，但間公司似乎有啲唔忿氣，不忘呼籲網民就中港兩地民間交流要「互相尊重包容」。