94年港姐亞軍活麗明婚後淡出娛圈，她前晚以剷青髮型現身時裝活動，似足80年代紅極一時的愛爾蘭女歌手Sinead O'Connor。活麗明說鼓起勇氣剪了與老公陳忠偉一樣的髮型後，感覺舒服，因不用隱藏自己性格，她更表示有興趣重操故業做模特兒。
現年37歲的94年港姐亞軍活麗明、伍詠薇、王敏德及馬詩慧夫婦等，前晚現身金鐘太古廣場的時裝活動。久未露面的活麗明與曾在明珠台任主持的夫婿陳忠偉一同前來，活麗明以剷青頭示人，與她早年幕前的女人味形象大有不同，不過其身形依然保持纖瘦。
與風水健康無關
活麗明的髮型似足80年代愛爾蘭女歌手Sinead O'Connor，活麗明說老公也認同：「老公好鍾意，家同老公髮型一樣，似足twins。」問活麗明為何剷青，她說：「想剪好多年，以前冇咁有勇氣。我留長髮多年，平日鍾意做運動同游水，自己親自剃光，由9mm到6mm，到家3mm，剪咗之後好舒服，唔使理人點睇，我覺得長頭髮會隱藏自己性格，剪髮唔關風水同健康事。」活麗明亦說有興趣再做模特兒。伍詠薇透露今年只拍了無綫劇《金枝慾孽（貳）》：「一年拍一部OK。」提到近日有導演涉嫌糟質神獸女，伍姑娘說：「我識佢，睇報紙先知，唔知咁多。」問她會否驚受此待遇，她表示：「唔驚，做好自己本份，記晒對白，勤力演員使乜驚，自己做新人都試過衰貪玩，俾導演鬧。」
伍姑娘：大事化小
問伍姑娘會否覺得受害演員慘，她表示：「珍姐（曾勵珍）都出咗嚟講，大家都唔喺現場，唔好斷章取義，大家大事化小，導演同演員情緒最緊要開心。」採訪：盧妹 攝影：黃文偉