「祝賀教聯會會員葉建源當選立法會教育界功能組別議員」。大家唔好以為有人誤馮京當馬凉，誤將葉建源當何漢權；事關呢則喺教聯報刊登嘅恭賀啟事，擺明係抽葉建源水。八方咁講，梗係有道理，因為何漢權都喺選舉論壇用過教聯會會員呢個身份攻擊葉建源，而葉建源已經多番解釋，參加好多教育團體，喺教聯並不活躍。有老師睇完呢則啟事相當勞氣，喺facebook大鬧：「教聯無恥抽水!!!成份教聯報不知所謂，以反為正，抹黑學生，抹黑支持反國教仝工，無恥至極，枉為人師！」八方就覺得，輸咗議席，點都係唔忿氣㗎嘞，如果抽水可以令佢哋心理平衡啲，何妨日行一善？