「未有澳門，已經有九澳村！」這條古村落，位於澳門路環東北面，有500年歷史，村民以客家人為主，內裏有一所外形猶如露營帳篷的「七苦聖母堂」，本世紀初曾收容麻瘋病人，但時至今日已成為九澳村的地標。
「政府唔畀村民維修」
「無論是澳門人還是香港人，影婚紗相都會專程嚟呢度取景……」村民「大嚿」凝望教堂落寞的說。可是，對於家園即將被毀的九澳村民，忐忑不安的心情籠罩每個角落，他們從未想過，手持土地擁有權的「紗紙契」，卻突然變成廢紙。「『沙紙契』係清朝一種土地賣買契約，後來葡萄牙佔領澳門同管理氹仔、路環後，葡國政府曾要求村民到民事登記局註冊，不過鄉民因為學歷唔高，加上轉換契約後又要納地稅，所以當時冇人去登記。」村長張國財說。然而當年沒登記，無理由連土地擁有權和物業使用權一概被沒收。「如果你話我霸佔土地，隔籬嘅村民都會告發我啦，唔通九澳村全部村民都夾埋一齊圈地咩？」面對政府指村民是暴徒、僭建霸官地，65歲村民黃伯憤怒地說：「家即使間屋冧，政府都唔畀村民維修，除非攞到屋契證明間屋係佢哋嘅。咁即係政府想一啲啲收番我哋嘅屋囉！滅村只係遲早嘅事。」歷史遺留下來的問題正威脅着九澳村鄉民，因為他們腳下這片土地唯一依據─「紗紙契」不被澳門政府認可。澳門50年不變的承諾，原來卻不包括九澳村村民。《蘋果》記者