商人陳振聰輸咗千億爭產官司、欠落稅局3億幾、訴訟費2億幾又未畀，前日終於賣得出寶雲道16號楠樺居地皮，套現3.8億，先至可以鬆一口氣，所以佢噚日心情靚絕，好張揚咁去金鐘飲嘢！有間熱狗、乳酪專門店近日喺金鐘廊開業，陳振聰（右二）第一時間去幫襯，唔知係咪好鍾意食熱狗、飲乳酪呢？佢噚晚6點同太太譚妙清（右一）仲有幾位中年男士出現，心情勁靚，表現風騷，講嘢講到眉飛色舞，但枱面只得幾杯可樂同咖啡，似乎唔係專登去捧場囉！