英國電視女星暨模特兒Jodie Kidd，前日帶住八隻愛犬周圍走，發揮佢平時嘅天橋魅力，但唔知係咪太耐冇出街啦，成班狗一見陽光就起勢咁走，搞到着紅色外套嘅Jodie幾乎拉唔住。其實Jodie係響應早前舉辦嘅「英國最歡迎狗仔嘅地方」選舉，名勝處處、面臨海邊嘅布萊頓（Brighton）當選，所以呢位6呎高模就帶佢啲狗狗出嚟，睇下係咪真係咁正咯！