劉心悠六度冧莊做永久脫毛廣告代言人，日前以大師姐身份帶領謝婷婷及薛凱琪拍攝新廣告。心悠笑言與薛凱琪有淵源，大家同年獲提名金像獎最佳新人獎。拍攝時，三人鬥性感跳舞，戴了巨型手鐲的心悠，跳舞時揮踭打中婷婷的頭，婷婷跳桌上舞時踩到薛凱琪的手，趣事一籮籮。
薛凱琪摸腳
問心悠拍攝鬥性格，她說：「我哋係賣女仔自信，覺得安琪蓮娜祖莉（Angelina Jolie）好有自信，人體比例好perfect，做靚女要有恒心，我皮膚最大問題易敏感，照顧皮膚，好似一個媽媽照顧BB咁。」薛凱琪則笑言：「廣告入面，我要摸婷婷對腳，都有啲尷尬。」記者笑她拍脫毛大個女，她說：「以前剩係做歌星同演員得兩層，家要有唔同嘗試，多啲層次。」採訪：梁錦雯攝影：陳慧安