中大前日好熱鬧，有成八千個大專師生齊齊罷課反國教，撤科之聲響徹中大，唔知有冇嚇親校長沈祖堯呢？事關佢日前上載咗一張喺名畫《吶喊》前面雙手托腮、擘大口扮scream嘅相，人如其畫！沈校長仲用咗呢張相做profile pic，即刻畀網民瘋傳，唔少人大讚校長可愛，有人就話呢個可能係校長見到罷課嘅表情，或者想嗌埋一份。八方就覺得難得沈校長咁有童心，娛人又娛己，一於同網民一齊Like埋一份。