早前贏得美網男單冠軍嘅梅禮（圖），周二去咗做電視台訪問，仲喺紐約街頭同自己個人職業生涯第一個單打獎盃合照，風騷到不得了。而呢位新紮世界排名第3嘅球手，喺訪問度話下一步就係要奪得「1哥」王座，統治網壇！哇，大諗頭到你呀，贏得一個錦標就即時大口氣上嚟啦。不過佢都唔係齋talk，仲話要自己繼續保持水準，要努力練波，贏得更多大滿貫。