排網上瘋傳一條泊車短片，片中P牌男司機駕駛揭背車在停車場泊L位失敗，結果偷位時直撞對面的私家車。對很多新牌仔或女性司機而言，泊車有一定難度，唔少人都加裝後泊鏡頭，今次本田Stepwgn就加裝視野達190゜的天眼，泊位就睇得一清二楚！
記者：李鑒泉
攝影：黃子偉
模特兒：Rika@GME
全面觀察車尾動態
繼早前七座Spada版本後，代理火速運來外貌相對平實、車價更平的八座Dynamic版迎戰，兩者主要分別在於前者裝備電鍍鬼面罩、17吋輪圈及+/-波撥片等。不過車價平兩萬多的Dynamic實力也不容輕視，換上更慳油的16吋輪圈外，車價已包括前者需加錢選配的全車真皮座椅及190゜廣角後泊鏡頭。這個位於尾門電鍍位置的廣角鏡頭，能夠觀察車尾兩側的情況及判斷車尾距離，系統又能切割顯示畫面，讓駕駛者可以全面觀察車尾動態，無論泊S位或 L位也變得輕鬆方便。
今次找來慣於外國駕駛的模特兒Rika測試鏡頭，測試在有沒有鏡頭輔助下會否泊得更快更輕鬆。首先，我們將鏡頭遮住，Rika需以傳統擰頭望鏡方式泊L位，或許不太習慣揸右軚車，倒車時不慎輾過圍在車位旁的雪糕筒，結果汽車停泊位置較前，部份車頭突出車位外，「因為部車好高好長（4,690×1,695×1,815mm），好難估車尾仲有幾多位置，惟有保守啲以免撞到後方。」然後再用鏡頭泊車一次，Rika除了最初望鏡外，後來已完全依賴後泊鏡，幾乎用一手軚就泊入L位，比遮去鏡頭時快約30秒。「鏡頭方便估計車尾兩邊位置，知道後方距離，就算兩旁泊了車都唔怕刮花撞崩。」
配備足 油耗低
「雖然架車好長好高好似好難揸，但揸上手卻十分輕盈，加速唔算快但整個感覺都好漸進好舒服。」呢部Stepwgn用上兩公升直四i-VTEC引擎，可以輸出150匹馬力，配合CVT無段變速波箱，線性輸出男女都揸得掂。對精打細算的女性買家，耗油量自然是考慮之一，本田為新車加入Idle Stop停車熄火及ECON Mode慳油模式，從而得出14.4km/L低耗油量，即平均$1.2/km，以八人車而言算慳油。Stepwgn配備亦相當足，包括從車頭伸延到車尾的電動天幕、遙控開關的雙電動趟門、免匙啟動及藍芽系統等，而三排真皮座椅承托力足，摺叠後更能將車廂騰空成巨大的載貨空間。Stepwgn集容易操控、載貨量大等好處於一身，就連泊車難題都迎刃而解，相信無論新牌仔定女司機都一樣咁Buy！
Honda Stepwgn Dynamic
引擎：1,997cc直四i-VTEC
馬力：150PS/6,200rpm
扭力：19.7kg-m/4,200rpm
傳動：CVT無段變速，前輪驅動
售價：$306,880
查詢：2477 7800（合群汽車）