宅錄：婚前重點性收身　灌水板操全身

唔少拖友都會趁年尾天氣無咁熱，趕搭尾班車拉埋天窗！結婚一生人一次，婚禮上仲要見晒咁多親戚朋友，當然要以最佳形象示人！不過當着上禮服、婚紗，新人們可能都會被自己甚少曝光的肥肉嚇倒！要喺短時間Keep Fit瘦身，真係要諗諗計！
記者：李曉慧
攝影：潘志恆
Model： Suey、Daren @Unique Model

新娘新郎　肥肉重災區

婚禮統籌師Ice指，佢遇到的新人中，唔少都對自己身形有要求：「新娘子都會希望瘦啲Firm啲、新郎就想大隻啲着衫好睇啲。」有豐富經驗的她特別綜合出幾個重災區俾大家參考！

新娘

a.手臂粗變肥婆
着晚裝、婚紗必露位置！Ice話新娘手臂粗、唔Firm，會俾人好大份感覺。
b.腰幼體形升級
Ice話腰嘅作用非常重要，襯托胸部同臀部，突出整個身體線條，要做出對比，腰要越幼越好！
c.臀實着晚裝靚
唔少新娘子都會選擇魚尾貼身剪裁的婚紗，呢個時候臀嘅線條就好被睇重，就算係普通晚裝裙，臀部Firm啲都唔會俾人肥腫嘅感覺！

新郎

a.膊頭闊有神氣
俗語都有話，男人要有膊頭！Ice話膊頭橫嘅新郎着禮服會神氣好多，可惜唔少香港男仔膊頭都唔夠闊！
b.胸肌厚較擔衣
有胸肌男士一般都比較擔衣，所以假如有膊頭但無胸肌撐，着禮服會無咁好睇！
c.肚腩逼爆禮服
缺乏運動，生活忙碌，都令到男士們出現唔想見到嘅豬腩肉，壞處係整件西裝會有逼爆感覺，好似一隻企鵝上身一樣。

RMT 屋企健身工具

電台節目主持人阿Ben（杜浚斌），經常喺節目解答聽眾感情問題，估唔到連大家健身嘅問題都咁關心！最近佢同健身教練Eo合作，研發出一件全天候健身器材RMT：「年幾前開始健身減肥，成效唔錯，後來工作太忙，無時間做運動，好擔心體重會反彈，所以就開始構思一件可以喺屋企都用到嘅健身工具。」
從玩票性質的構思，直至RMT正式面世，阿Ben除咗得到Eo的專業健身意見之外，仲諮詢咗物理治療師，務求針對本港繁忙都市人需要，做出一件全方位多功能的器材，收身有效率又安全！

婚禮統籌師培訓經理Ice Yee

內部注水　考深層肌肉

好多想Keep Fit嘅朋友，都會選擇喺屋企舉吓啞鈴、做Sit Up、掌上壓就算，但Eo話咁樣真正活動到的肌肉其實不多，而且都屬於淺層肌肉，好難收效！
RMT健身板採用「吹塑」材料，造成中空效果，用家可以注水調節重量，在做出相關動作的同時，水的衝力還會增加不穩定性，用家變相會運用多了平日少用的深層肌肉來平衡，間接提升運動質量，連帶對平衡力及身體靈活性都有幫助。RMT對手腳、膊頭、胸肌都有相關運動配合，可以話非常之多功能！