流淚過後，政務司司長林鄭月娥終於宣佈絕食！噚日佢任宣明會「耆英饑饉8小時」嘅主禮嘉賓，忽然興起同班長者一齊宣誓，話要「享受唔食嘢8小時」。但八方諗起早前一班師生、家長為救下一代，10日10夜接力絕食，林鄭仲要講風凉話，指不能因小撮人反對而撤回洗腦教育，對班絕食者來說，真係落井下石。今次林鄭遲來嘅絕食，只係象徵式八粒鐘，比起退休教師韓連山絕食168小時，不值一哂，況且佢只得55歲，相比起一班年近百歲老友記，真係易過借火。