如果有一天大家喺舞台上面見到泰臣唱歌劇，或者跳芭蕾舞，千祈唔好感到愕然！被問到下一個「挑戰」時，泰臣突然做了一個芭蕾舞姿勢咁話：「我想做一啲類似歌劇嘅表演，我對芭蕾舞同埋唱歌都好有興趣。」
近年既開電影公司（Tyrannic Productions），又開個人品牌服裝店嘅泰臣，已開始參與演出電影《醉爆伴郎團》（The Hangover）第1集同第2集。雖然09年拍《醉爆伴郎團》第1集，只收友情價20萬美元（約150萬港元）片酬，但佢都樂於繼續接拍，嚟緊第3集都會有佢份。泰臣話呢套戲令佢個人更加和藹可親，仲多咗好多小影迷㖭。好鍾意演藝事業嘅泰臣，舊年曾經同太太Kiki喺阿根廷表演跳舞，今年初仲試埋喺舞台做one man show，個節目叫做《Mike Tyson : Undisputed Truth》。