《立會新形勢》
【本報訊】「我係有負於民主黨！」失守新西的李永達，歸咎落敗緣於地區工作不足兼過度自信；既然支持政改方案也被認定是墮馬原因，李永達倡議民主黨在新西進行大型民意調查，了解慘敗是否與政改有關；若結果顯示民主黨判斷失誤，他願意就此致歉，「人嘅判斷係可以有錯，但我哋一定冇出賣香港」。
記者：許偉賢
「雙失」不但適用於李永達，也適用於民主黨新界西選情；李永達昨受訪時自嘲：「比較起上嚟，民主黨係傷啲，完全冇晒成個新界西。」
91年晉身立法局的李永達，並非首次離開立法機關，97年不入臨立會而落車，2000年為前黨友陳偉業催票，自陷險境敗選；這一屆得票較上屆急瀉逾萬，以不足1,000票差額出局，令不少人意外，工黨主席李卓人在得悉選舉結果後，也肉緊攬着這位老戰友，「呢啲鼓勵，對我嘅療傷好有作用」。
「掘票掘得唔夠深」
外界都說公民黨的余若薇名單「嘥票」，累及民主黨敗仗，李永達再三重申，「對公民黨冇乜埋怨，個個黨都想有更大發展」。追查死因，他認定與地區工作做得不足有關，「掘票掘得唔夠深」，同時也因為過度自信。在泛民「告急」大軍中，李永達一直榜上無名。
「當時港大民調話我排第五、六位，陳樹英（民主黨另一參選名單）排第九、第十；如果我咁都告急，喺道德上、責任上都講唔過去，我寧願犧牲自己……估唔到最終兩個都輸，我覺得自己，有負民主黨」。
2010年民主黨入中聯辦談判政改方案，被外界認定是民主黨流失支持的主因，李永達認為不能在無數據下妄下定論，因為當年民調確實顯示，支持政改的市民較多。
但既然現時不少人有此看法，李永達已建議民主黨在新界西進行大型民調，了解有多少選民因為不滿政改方案而不再支持民主黨，找出敗選的關鍵因素。「如果真係好多人話我哋2010年判斷有失誤，我可以致歉，因為我哋係人唔係神，係會有判斷上嘅錯誤；但我一定唔會承認，我哋出賣香港，呢一種評論令我最傷最痛。」
「主席留畀新人做」
直選議席由七席驟減至四席，李永達承認今次是民主黨創黨以來一大重創，但悲痛過後更重要的是重新上路，例如做好培訓黨員工作，以便新舊順利交接。
李永達揚言，「我生係民主黨嘅人，死係民主黨嘅鬼」，若民主黨需要他，他樂意效勞，「但係主席就一定唔會再做，應該留畀新人做」。