神童開學了！年僅14歲嘅神童伍國頌都有出席開學禮！國頌係港大創校百年以來最細嘅學生，噚日就係開學禮擔任小提琴手，怕醜仔國頌笑住話開學好開心，管弦樂團同學仔都讚佢好勁，讀書拉琴樣樣精，仲強調神童都係「正常人」，冇超能力喎！
港大學生會會長陳冠康，喺兩場開學禮呼籲同學反國教，校友嘉賓行會成員梁高美懿聽完唔多高興，話香港言論自由，凡事最緊要多角度同獨立思考喎！暗寸學生會反國教唔夠多元思考。另一個校友張婉婷就唔同啦，鼓勵啲學弟學妹，係啱嘅就去做，無悔青春撐學運。
