李克勤前晚喺中環舉行新碟簽名會，最近有人話佢為咗方便囝囝返學，豪花半億喺南區置業，佢話：「已經寫過一次，係咪因為樓市升咗而再攞出嚟講？我個仔每朝要坐成個鐘頭車先返到學校，都想為個仔搬近啲，呢啲不嬲係我太太同老竇負責，我只係負責努力搵錢。」克勤又唔認囝囝返學有特權，只係唔想騷擾其他同學，所以盡可能唔俾人影到。