噚日張栢芝接受有線電話訪問，講到大前日同前夫謝霆鋒、囝囝Lucas去咗深灣遊艇會游水時，俾本報狗仔隊獨家影到。栢芝話自己警覺性咁高冇理由影咗都唔知，佢仲話：「我重複又重複睇啲相，唔係普通狗仔隊影嘅相，因為好近，好有角度，好有鋪排。」佢言下之意係讚緊本報嘅狗仔隊出色，一啲都唔普通，定係懷疑有人報料呢？